"ఈ ప్రపంచం ఈ సృష్టి సౌందర్యమయం ఒక ప్రేమ లేఖ." మనసున్న వారికి వారి మనసెరిగిన వారికి ఎంతో మనోహరంగా స్పృశిస్తూ0ది ఈ వాక్యం. ఎంత లోతైన నిర్వచనం...... అసలు మనసు పొరలలో ని అతి సున్నితత్వ భావాన్ని తట్టిలేపి దాని చేత తన అభిప్రాయాలను నిర్మొహమాటంగా చెప్పించ గలగడం ఎవరికీ అంత సులువు కాదు. జీవితంలో చాలామంది పొందలేకపోయిన మానసిక ప్రశాంతతను కలిగి స్తూ, మనో మందిరాన్ని వెలిగించి మానస వీణ ను మ్రోగించిన ప్రేమ అనుభూతిని గుర్తు చేస్తాయి చలం " ప్రేమ లేఖలు". తెలుగు వారి జీవితంలో ఉత్తరాలు రాసుకునే సంప్రదాయం అంతర్భాగమై ఉంది. మనసులో ముద్రించుకున్న మనిషి కోసం ఏ విధంగా ఎదురుచూస్తామో ఆ మనిషి రాసే ఉత్తరాల కోసం కూడా అలాగే ఎదురు చూడటం ఓ చిత్రమైన మధురమైన అనుభూతి. సోషల్ మీడియా హవా నడుస్తూ, mails, మెసేజెస్, తలచుకోగానే మాట్లాడుకునే అవకాశం ఇచ్చే స్మార్ట్ ఫోన్లు ఉండడంవల్ల ఈరోజుల్లో ఉత్తరాలు రాసుకునే అలవాటు అవసరం కనుమరుగైపోయింది. కానీ నీ మనుషులు మాటలు గాలిలో కలిసి పోతాయి. వాళ్ళు రాసిన మాటలు మాత్రం నాలుగు కాలాలు నిలిచిపోతాయి. రానురాను మధురానుభూతులతో వెలిగి పోతాయి. మనసుల భావోద్వేగాల తాలూకు స్మృతులు గా మ...